Wawancara nyolowaði

Tukijo suwito Bopo Direktur

Sawisé ngèngèr dhèn Kakûng. Tukijo suwito bopo Direktur îng sawijinîng pabrik gróbag. Dhadhi pegawai cilîk, kinasîh bopo Direktur. Tukijo nandhangi manéko warno, kerep2é dhadhi kongkonané bopo direktur.

Wawancara nyolowadhi

Bopo Direktur wîs entûk calon staff lan óra kerso nerósaké anggone wawancara. Tukijo dhidawuhi nerûsaké wawancara pelamar2 sîng wîs kebacût dhiundhang. Dhidawuhi supoyo sakabèhîng pelamar dhitampiki.

" Kówé njalûk bayar piro ?
" Pelamar Kalîh yuto
" Wah, kelarangen. Kówé óra dhitompo
" Nèk ngoten, setunggal yuto mawon.
" Tambah óra ketompo
" Sebabipûn ?
" Pt iki óra nompo staff murahan.



Calon liyo :
" Kówe dhuwé éncon (yang, pacar) ?
" Gadah
" Manggon endhi ?
" Monconegari
" Kówé óra ketompo
" Sebabipûn ?
" Mengkó ndak mûng telpan telpûn. SLI larang.
" Minggu ngajeng mpûn wangsul, kok
" Tambah óra ketompo
" Sebabipûn ?
" Lha, kówe mesthi mûng mbolas mbolos nggolèki énconmu.



Calon liyo :
" Kówé nglamar opo ?
" Sekretaris
" Kówé ayu óra ?
" Kadhosipûn ngoten
" Kówé óra ketompo
" Sebabipûn ?
" Mengkó manajer2é mundak podo kepéncût. Marahi gendhro.
" Sakjané kulo mboten ayu, kok
" Tambah óra ketompo
" Sebabipûn ?
" Mundak nyepet2i moto.



Calon liyo :
" Kówé dhuwé éncon ?
" Dhèrèng
" Wîs tau golèk ?
" Empûn, nîng mboten kasél
" Kówé óra ketompo
" Sebabipûn ?
" Lha, golèk éncon baé óra biso
" Sakjané onten nîng kulo tilar sebab kulo mboten demen.
" Tambah óra ketompo
" Sebabipûn ?
" Mengkó mûng metu ólèhé mbût gawé, mergo kówé óra demen.



Calon liyo :
" Kówé dhuwé éncon ?
" Gadah
" Nggantheng ?
" Enggéh
" Kówé óra ketompo
" Sebabipûn ?
" Mengkó anggonmu nyambût gawé óra jenjem. Wedhi énconmu dhirebût uwong.
" Sakjané mboten nggantheng, kok
" Tambah óra ketompo
" Sebabipûn ?
" Golèk éncon nggantheng baé óra tèyèng. Opo manèh mbût gawé



Calon liyo :
" Kówé dhuwé éncon ?
" Gadah
" Sîng kapîng piro
" Sepindah
" Kówé óra ketompo
" Sebabipûn ?
" Lha, golek éncon baé mûng entûk siji
" Sakjané kathah
" Tambah óra ketompo
" Sebabipûn ?
" Kówé mengkó mûng tukang gónta ganti gawéyan, to ?



Calon liyo :
" Dhuwé morotuwo ?
" Gadah
" Sugîh ?
" Enggîh
" Kówé óra ketompo
" Sebabipûn ?
" Morotuwamu baé óra gelem nompo kówé dhadhi staffé.
" Sakjané mboten sugîh, kok
" Tambah óra ketompo
" Sebabipûn ?
" Mengkó mûng pijer njalûk mundak bayar terus nggo nyokong morotuwo.

Tutuge

Boss nyolowaði

Sawijinîng dhino, Tukijo dhidawuhi supoyo ngawasi staff2 kantor. Saben dhino ono2 baé saff sîng dhisenèni.

" Kówé kok ndhableg, to ?
" Lha, boss ugi mekaten, kok.
" Bédho, nèk boss jenengé dhudhu ndhableg, nangîng konsisten, kukóh panemuné.

" Kówé kok plinthat plinthut lan méncla ménclé, to ?
" Lha, boss ugi mekaten, kok.
" Bédho, nèk boss rak luwes utowo fleksibel

" Kówé nèk temandhang kok klelar kleler, to ?
" Lha, boss ugi mekaten, kok.
" Bédho, nèk boss rak tlesih, setiti ngati-ati

" Kówé nèk temandhang kok srudhag srudhug grusa grusu koyo ngono, to ?
" Lha, boss ugi mekaten, kok.
" Bédho, nèk boss rak prigel, tandhangé cèkat cèket

" Kówé kok pijer gojag gajeg koyo wong telmi, to ?
" Lha, boss ugi mekaten, kok.
" Bédho, nèk boss rak mikir jero lan mateng.

" Kówé nèk mutusi kok kecepeten, grusa rusu, to ?
" Lha, boss ugi mekaten, kok.
" Bédho, nèk boss rak tegas, cepet mutusi.

" Kówé nèk mutusi kok kewanèn tór sembrono, to!
" Lha, boss ugi mekaten, kok.
" Bédho, nèk boss rak kendhel ngadepi resiko

" Kówé nèk temandhang kok mbeler, gawéné nyalahi prosedur, to ?
" Lha, boss ugi mekaten, kok.
" Bédho, nèk boss rak tandhangé inopatip, pinter gawé trobosan.

" Kówé nèk temandhang kok jirih, óra wani ngadepi resiko, to ?
" Lha, boss ugi mekaten, kok.
" Bédho, nèk boss rak gedé pengati-atiné

" Kówé kok kengiriten, koyo wong uthil, to ?
" Lha, boss ugi mekaten, kok.
" Bédho, nèk boss rak gemi kanggo matrapaké efisiensi.

" Kówé kok gemampang, ngrèmèhké panggawé yan, to ?
" Lha, boss ugi mekaten, kok.
" Bédho, nèk boss rak optimistik.

" Kówé kok lancang, nerak wewenang, to ?
" Lha, boss ugi mekaten, kok.
" Bédho, nèk boss rak sugéh inisiatip.

" Kówé kok gawéyané klayapan, to ?
" Lha, boss ugi mekaten, kok.
" Bédho, nèk boss rak lagi nyerpis panggedé2.

" Kówé kok senengané ngolor atasan, to ?
" Lha, boss ugi mekaten, kok.
" Bédho, nèk boss rak lagi lobying.

" Kówé kok kakèhan njalók fasilitas kantor sîng méwah2, to ?
" Lha, boss ugi mekaten, kok.
" Bédho, nèk boss rak kanggo njogo citra perusahaan.

" Kówé kok senengané ngojok2i karyawan koyo provokator, to ?
" Lha, boss ugi mekaten, kok.
" Bédho, nèk boss rak lagi dhadhi motivator

Tutuge

Wawancara Trèmbèlané

Tukijo dhidawuhi nampiki pelamar maneh

" Kówé mau mréné numpak opo ?
" Nitéh mobil
" Kówé óra Ketompo
" Sebabipûn ?
" Saiki BBM mundak terus, mengkó kówé njalûk mundak bayar terus
" Wo, kulo wau namûng mboncèng, kok
" Tambah óra ketompo
" Lhó, lha kok ... ?
" Mengkó mûng gawéné mbonceng mobil kantor. Ngrusuhi !

Calon liyo :
" Anakmu akèh opo sithîk ?
" Kathah
" Kówé óra Ketompo
" Sebabipûn ?
" Nyambût gawému óra jenjem, mûng mikir gawé anaaaaaak terus
" Wong namûng anak adopsi, kok.
" Tambah óra ketompo
" Lhó, lha kok ... ?
" Gawé anak baé aras2en, opo manèh nyambût gawé

Calon liyo :
" Kówe wîs ngerti gawéyanmu dhurûng ?
" Dhèrèng
" Kówé óra Ketompo
" Sebabipûn ?
" Arep nyambût gawé kok óra ngerti gawéyané ?
" Wo, nèk dhamelan niku mpûn ngertos kok
" Tambah óra ketompo
" Lhó, lha kok ... ?
" Kówe rak mûng arep keminter, to ?

Calon liyo :
" Kówe ngerti kahanan kantor kene dhurûng
" Dhèrèng
" Kówé óra Ketompo
" Sebabipûn ?
" Arep nyambût gawé kok óra ngerti kantoré ?
" Wo, sekedék2 mpûn ngertos kok
" Tambah óra ketompo
" Lhó, lha kok ... ?
" Kówe senengané ngudal-udal wewadhi kantor, to ?

Calon liyo :
" Kówe kerep loro ?
" Mboten
" Kówé óra Ketompo
" Sebabipûn ?
" Mesthi kerep mbolos, wong arang2 gerîng
" Wah, sakjanipûn nggîh asrîng
" Tambah óra ketompo
" Lhó, lha kok ... ?
" Kantor iki óra nompo karyawan pileren.

Calon liyo :
" Kówe biso maîn Internet ?
" mBoten
" Kówé óra Ketompo
" Sebabipûn ?
" Perusahaan óra nompo BI (Buta Internet)
" Wah, sakjanipûn nggîh saget
" Tambah óra ketompo
" Lhó, lha kok ... ?
" Mesthi mûng óra nyambût gawé, kakèhan dhólanan Internet, to ? Ngenték-entekké pulsa !

Tutuge

Tukijo Ngulondoro

Sawisé pirang tahûn, Tukijo pamît njalûk lèrèn anggoné ngèngèr, arep madeg déwé. Sepisanan nyambût gawé sak kecekelé, wiwît dhadhi tukang ojek, maklaran, mblantîk, nganti dhadhi agen buntût lótre. Wusanané nyóbo dhadhi dukûn nîng óra pati kasîl. Óra payu nganti uripé mèh dhadhi kéré.

Sakîng judegé Tukijo ngulondhoro nganti keblasûk îng laladhan wingît katelah kasetran Gondhomolo. Biyèné padhunungané Tumenggûng Gondhomolo, agul2é wadhyo bolo Nyai ratu Roro Kidhûl, ratunîng lelembût îng segoro kidhûl. Kasebût Gondhomolo sebab sang Tumenggûng wataké kereng, wewaleré óra keno dhilanggar. Sîng nerak wewaler biso keno memolo. Naliko Tukijo kesasar ono kono, Tukijo nompo (bakmi) wangsît supoyo tetep madeg dukûn jejulûk Ki Gdé Dadûng Ireng, nglorod asmané bapakné, lan dhadhi jurukunci kramat iku.

Sakbaliné soko ngGondhomolo, Ki Gdé Dadûng Ireng tansoyo suwé tansoyo kesuwur, wasîs ngusadhani sawernanîng leloro. Luwîh soko iku, Ki Gdé Dadûng Ireng wasîs ngudari ruwet rentengîng urip. Dhadhi konsultan manékowarno, konsultan pajak, manajemen, bisnis, hukum, sepikologi, investasi, politik, ekonomi, lll. Seko rembûg salaki rabi, kulowargo, nganti rembûg perang Irak. Pasien2né pepak, seko kawulo2 cilîk, panggedé2 nganti tekan preman, gali, lan bromocórah podo sébo îng kono. Jalaran wîs dhi-wanti2 Tumenggûng Gondhomolo, óra keno nampîk pasien.

Trah Kromoberdapan

Gemblong iku anaké adiné Ki Gdé Dadûng Ireng sîng ragîl déwé. Biyungé Gemblong rondo lan wîs óra niyat rabi menèh. Mulo soko kuwi Gemblong sok nganggep pakdéné dhadhi sulîh bopokné sîng wîs swargi. Ómahé Gemblong lan pakdéné ungkur2an saînggo sesambungané rapet. Pakdé Dadûng asrîng kongkonan Gemblong nandhangi manéko warno.

Dhiparabi Gemblong jalaran rainé bundher kepleng persis gemblong, dhadhah ketan. Awaké lemu ipel2. Gemblong marisi watak trah Kromoberdhopo mbeling, mbeler, sugîh akal, tûr mbagusi. Persis pakdéné. Gemblong kesèt sekolah, dhadhi kétok bódó. Kakèhan mbyang2an. Gemblong pólatané sumèh, plengah plengèh. Gemblong wongé ènthèngan, dhadhi kerep dhikongkan kongkon.

Menuk iku yangé Gemblong, tonggo ómahé wétan mejîd. Wong lóró guyûp rukûn runtang runtung. Temu iku sakabaté Gemblong. Bocahé sregep sinau lan dhadhi agul2é Gemblong îng pamulangan. Ngalor ngidhûl Temu ngetûtké Gemblong sîng sugîh akal.

Tutuge

Ki Gdé Dadûng Ireng Dukûn Usodho

Ki Gdé Dadûng Ireng iku dukûn profesional, ngusadhani wong loro supoyo waluyo. Hanangîng, ono sapérangan pasien2é sîng nylenèh2.

Kélangan duwît

"Wadûh biyóóóóóûng ..... !"
"Ono opo, ono opo ..”
"Niki anak kulo sleledhen ngemplok duwît 50. Nyuwûn usodho"
"Halah, ... kélangan 50 baé owèl. Nyoh, tak wènèhi 100 rupiah kanggo ijol”

Pikiran Saru

"Ono opo ?"
"Pikiran kulo kok namûng saru terûs to, mbok dhipûn usadhani”
Ki Gdé Dadûng Ireng nyuntak mangsi ono kertas dhadhi gambar.
"Iki gambar opo ? "
"Gambar saru"
Ki Gdé Dadûng Ireng nyuntak mangsi manèh
"Nèk iki ... ?"
"Gambar saru"
Ki Gdé Dadûng Ireng nyuntak mangsi manèh
"Iki ... ?"
"Niku nggîh gambar saru !"

"Pisan engkas, iki ... ?"
"Ki Gdé niku pripûn, to ? Angger nggambar kok saru, lhó !"
"Wé lha dhalah, ……"
"Sakjané sîng pikirané saru niku kulo nopo Ki Gdé, to ? "

Vitamin Nyolowadhi

"Ono opo, kang Jo"
"Aku paringono ditamin kanggo putuku”
"Ditamin A, B, opo C"
"Sak karepmu, wong putuku dhurûng bisa moco abjad”

Kupîng abûh Nyolowadhi
"Keno opo kupîngmu ?"
"Pas setriko, Paiman telpûn. Rekané mendet telpûn klèntu setrikan !"
"Lha, sîng siji kok yo abing ?"
"Lha niku, Paiman pancen trèmbèlanipûn "
"Piyé, to ?"
".... telpûn malîh ..”

Njedir Nyolowadhi

"Ono opo ?"
"Niki, lambé kulo njedir. Nyuwûn usodho"
"Keno opo ?"
"Lemót"
"Lemuté ma-èwu2 ? Opo lemuté gedéné sak kucîng2"
"Mboten, lemutipûn namûng setunggal lan alit"
"Cóbo rekonstruksi, piyé lemuté kok marahi njedir"
..............................
..............................
"Pripûn ?"
"Nèk nyablèk lemût ojo nganggo gandèn"

Wewadhi panjang yóswo
"Monggo, kadhingarèn ono piyayi sepûh rawûh. Ngersakken menopo"
"Kulo kepîngîn panjang yóswo"
"Panjenengan remen minum2, njîh ?"
"Mboten"
"Remen madat, ngrokok utawi narkoba ?"
"Mboten"
"Madhon ?"
"Mboten"

"Nèk maîn ?"
"Mboten"
"Dahar2, bujono ondhrowino ?"
"Mboten"
"Plesér2, poya2, hura2 ?"
"Mboten"
"Lha, panjang yóswo kanggé nopo ?"

Dayohé dukûn Ki Gdé Dadûng Ireng lagi antri sinambi guneman
"Yóswanipûn pinten ?"
"Kawandhoso"
"Wah, kok kadhos taksîh ABG, wewadhosipûn menopo, njîh ?"
"Enjîng ma’em sayûr, "
"Siang ?"
"Sayór"
"Dhalu ?"
"Sayór"

"Yuswanipûn pinten ?"
"Sewidhak”
"Wah, kadhosipûn taksîh kawandhosonan, wewadhosipûn menopo, njîh ?"

"Siang ?"
"Woh2an"
"Dhalu ?"
"Woh2an"

K mbatîn – wah mbah Mo kaé katoné yóswané wólûng puluhan. Piro umûr tenané ?

"Daharanipûn menopo, mbah Mo ?"
"Esûk sarapan wong wadhon, "
"Siang ?"
"Awan nyamiki wong wadhon, "
"Dhalu ?"
"Bengi mamah wong wadhon”
"Wadûh ! Lajeng yóswanipûn sameniko pinten ? Satûs ?"
"Patangpulûh "

Buntût Kucîng Nyolowadhi

"Ono opo ?"
"Niki bójó kulo kejèt2 ngèten niki pripón"
"Keno opo ?"
"Midhak buntût Kucing"
"Kucîng galak gedéné sak macan ?"
"Mboten"
"Cóbo, tak dhelengé"
..............................
..............................
"Pripûn ?"
"Nèk lagi dhandhan2 setrum ojo nganti midhak buntût Kucing”


Tutuge

Playboyo keno memolo

Ki Gdé Dadûng Ireng kesuwûr dhadhi paranormal dhîgdhoyo jalaran dhuwé akses menyang kasetran Gondhomolo, padhunungané Tumenggûng Gondhomolo, agul2é Kanjeng nyai Roro Kidhûl. Hanangîng, kasetran Gondhomolo iku wingît lan gawat ke-liwat2, mèh sakabèhîng pasien malah keno memolo.

Playboyo keno memolo

Céthûl munduk2 ngadep Ki Gdé Dadûng Ireng.
"Ono opo lé, ono opo ?"
"Kulo kepéngîn dhadhos playboyo"
"Ah, dhuwé kekarepan kok aîng2 to lé, … mbok liyané baé "
"Nèk mboten dhituruti kulo sudhûk saliro, lhó …”
"Yoh, tak turuti karepmu. Jarwanè dhadhi playboyo iku kepriyè ?"
"Kulo dhi jompa-jampi supadhos bagûs kadhos Radhèn Harjuno lan pawakanipûn kadhos Radhèn Brotoséno”
"Yoh, tak sembadhani penjalûkmu. Sak gendîng mu, wîs … "
"Matûr nuwûn. nangîng nyuwûn setunggal malih"
"Opo manèh ?"
"Supadhos kanu’ kulo sami kalian gadahané turonggo … ageng sanget … "
"Wé lha dhalah, … kelakon penggayûhmu nggîr !"

Ki Gdé Dadûng Ireng matak aji, mujo semedhi ngobong menyan karó komat kamît. Céthûl dhijanjèni yèn gegayuhané bakal kaleksanan seminggu manèh. Sakwise seminggu Céthûl bali ngadep Ki Gdé Dadûng Ireng karó tetangisan ngaru-oro

"Hóa …. hóa …. hóa …"
"Ono opo lé, kok tetangisan ono opo ?"
"Kulo empûn kapok kiané, … empûn kapok … hóa …. hóa …. hóa …"
"Cuuuuup, menengo cah bagûs …. Ono opo ?"
"Hóa …. hóa …. hóa …"
"Lha wîs keturutan penjalókmu, to. Rupamu dhadhi bagûs lan dhedhegmu prakoso”
"Anu kulo …. … hóa …. hóa …. hóa …"
"Keno opo ? Kegedèn ? Jaréné kepîngîn gedè koyo jaran "
"Enggîh, niki kok kadhos gadahané jaran wadhon … … hóa …. hóa …. hóa …"

Tutuge

Téjomoyo lan Téjomolo

Ani, Eni, Uni lan Tomblok dampyak2 sówan Dukûn dhîgdhoyo Ki Gdé Dadûng Ireng. Ani, Eni, lan Uni prawan ayu2, luwes2, kenès2, lan sólah bawané sarwo merak ati. Tomblok iku sak èlèkîng èlèk. Wîs untuné sak pethèl2, matané mlóló, bathuké kenonongen. Suwarané koyo èmbèr ke-sampar2. Sólahé ngah ngoh, pah poh tûr jombloh banget.

"Ki Gdé : Ono opo, iki ono prawan2 dhampyak2 podo prapto, ono opo ?"
"Prawan2 : Badé nyuwûn sasmito; kadhos pundhi jódó2 kito sedhoyo îng tembé wingkîng"
"Ki Gdé : Yoh, kabèh tak dawuhi topobroto menyang Setro Gondhomolo"
"Prawan2 : Sendhiko, Ki Gdé”

Sawisé rampûng anggoné topobroto, kabèh dhiundhang Ki Gdé Dadûng Ireng
"Kówé ngalami opo Ani ?"
"Kulo midhak kodok"
"Wah, kuwi sasmito yèn îng tembé mburi bójómu mbésûk wong lanang èlik tûr ngah ngoh "

"Kówé ngalami opo Eni ?"
"Kulo midhak tikus"
"Wah, bójómu mbésûk, wong lanang èlik tûr pah poh "

"Kówé ngalami opo Uni ?"
"U : Kulo midhak tekèk"
"Wah, bójómu mbésûk, wong lanang èlik tûr jombloh "

"Kówé ngalami opo mBlok ?"
"Kulo midhak kembang mawar, melati, lan bakûng"
"Wé, lha dhalah, ….. bejamu, mBlok …”
"Kulo ?"
"Hè’èh, kówé ketiban ndharu éntûk Téjomoyo soko Gondhomolo ….”
"Nopo niku ?"
"Bójómu mbésûk bakal bagûs, sugîh, lan kuwoso"

"Kulo midhak kembang mawar pîng tigo, melati pîng tigo, lan bakûng pîng tigo"
"Jagat Dhéwo Bhatoro, ….. bejo kemayangan kówé, mBlok …”
"Pripûn to ?"
"Bójómu bakal bagusîng bagûs, sugihîng sugîh, lan kuwasanîng kuwoso"

Tenan, Tomblok dhirabi Ngatijo sîng bagûs banget, sugîh banget, lan kuwoso banget. Prawan2 liyané mûng éntûk bójó èlèk2. Endhi sîng ngah ngoh, pah poh, opo jombloh. Ani + Eni + Uni podo mèri lan takon Ngatijo

"Kang Ngatijo, kówé kok gelem ngrabi prawan ondèl2 koyo ngono, to ?"
"Sadhurûngé polokromo karó ondèl2 iku, aku sowan Ki Gdé Dadûng Ireng"
"Dhidawuhi opo ?"
"Topobroto menyang Kasetran Gondhomolo"
"U : Lhó, aku sak sedhulûr yo dhidawuhi ngono "
"Wo, iyo to ? Podo ngalami opo ?"

"Aku midhak kodok, mulo bójóku ngah ngoh"
"Aku midhak tikûs, mulo bójóku pah poh"
"U : Aku midhak tekèk, mulo bójóku jombloh"

"Kang Ngatijo, kówé ngalami opo ?"
"Aku midhak kodok, tikûs, lan tekèk. Mulo bójóku ngah ngoh, pah poh, lan jombloh"
"Adóóóóóûh, mesakké nemen kówé Kang Ngatijo”
"Kuwi dhurûng sepiro ……"
"U : Opo menèh ?"
"Aku éntûk Téjomolo soko Gondhomolo "
"Opo kuwi ? "
"Aku midhak kodok pîng telu, tikûs pîng telu, lan tekèk pîng telu. ………"

Tutuge

Sambékolo Tirtogiras

Wayah surûp, Jemuah Kliwon Ki Gdé Dadûng Ireng nompo tamu, Paimo

"Ono opo, ono opo Mo"
"Kulo niki mpûn rabi tigang tahûn, sémah kulo kok tansoyo asrep"
"Ojo kakèhan AC, to …"
"Ah, sampéyan niku, lhó. Bójó kulo nèk dhijak karonsîh kok aras2en"
"Wo, kówé kepîngîn bójómu dhadhi ‘giras’ ngono, po ?"
"Nah, ngoten niku …”

"Iki tak paringi jamu tîrtogiras sak gendól"
"Kasiatipûn nopo ? "
"Sîng ngombé sak sendok tèh bakal giras lan kebelet wong lanang”
"Wah, kulo dhiparingi niku nggîh purûn "
"Jamu iki seko Pasaréan Gondhomolo, akèh sambékalané. Ono sarat2é”
"Menopo kémawon ?"

"Sepisan, iki wewadhimu, ojo nganti bójómu ngerti”
"Kapîng kalihipûn ?"
"Ojo nganti luwîh soko sak sendok tèh. Mundak kegirasen”
"Kapîng tiganipûn ?"
"Kléra kléruné kówé biso keno sambékolo. Ojo sembrono"
"Nggîh, kulo sagah "
"Sîng ati2, yo Mo"
"Nggîh …”

Durûng sesasi Paimo bali menèh karó sesambat
"Wadûh, ketiwasan Ki Gdéééééééé, ….”
"Ono opo, ono opo Mo"
"Wewadhos kadhenangan bójó kulo"
"Wuadûh …. ciloko "
"Sémah kulo tuman tîrtogiras, saben dhinten giras ngantos kulo mboten kuwawi"

"Lha, rak tenan, to …………”
"Malah langkûng sakîng setunggîl sendok, jé”
"Módhiar kówé, …. Wîs tak wanti2, to ?"
"Sakîng girasipûn, saben tiyang jaler dhipûn tubruk. Sakniki glayaran padhos mongso"

"Wéééééîs, wîs, wîs, wîs, …. kapokmu kapan ! "
"Kulo judeg, kadhospundhi supadhos saget ngembari girasipûn sémah kulo"
"Horotoyooooooh ……"

"Tîrtogiras setunggal gendhûl kulo telasaken …”
"Wé lha dhalah, bilahi kówé …. ! Ojo, kesambet sambékolo kówé !"
"Empûn kebacut, kulo sakniki giras sanget, ngantos methentheng "
"Kójûr, keno bebendhu kówé, Mo. tîrtogiras marakké demen wong lanang !"
"Mulakno niku, …. Saged madhosken tiyang jaler nggé kulo mboten ?"

Tutuge

Playboyo tuwo nyolowaði

Sakwisè ngapokké playboyo ABG, Ki Gdé Dadûng Ireng kedayohan mbok Kromo

" Ono opo, ono opo mbok Kromo kok sungkowo

" Enggîh niki Ki Gdé, kulo niki empûn rabi 25 tahûn kok tesîh mlarat …

" Kówé kepîngîn sugéh, po ?

" Enggéh, Ki Gdé.

" Yoh, tak sembadhani penjalókmu. Nîng ono saraté

" Nopo ?

" Sîng nglakoni topo broto kudhu bójómu.

" Nggéh, kulo sagah

Ki Gdé Dadûng Ireng banjûr dawûh pak Kromo nglakoni topo broto. Sakwiséi lelaku topo broto, rejekiné mbok lan pak Kromo mubal2 nganti dhadhi sugîh banget. Dasar menungso, wîs antûk nugroho koyo mengkóno isîh óra trimo. Pak Kromo ngadep Ki Gdé dhigdhoyo iku

" Ono opo, ono opo pak Kromo kok sungkowo. kówé saiki rak wîs sugih, to ?

" Enggih, nîng sîng kepîngîn sugîh rak bójó kulo

" Lhó, lha kówé kepîngîn opo ?

" Kulo kepîngîn gadah bójó sîng umuré 30 tahûn langkûng enèm …

" Wè lha dhalah, jagad dhéwo bhatoro … wong tuwèk óra genah …

" Lhó, kulo rak tesîh balita, to

" Balita ?

" Bar Limapuluh Tahón.

" Yèn ono kléra klèruné kówé sagûh nompo bebendhu ?

" Sagah

" Yoh, tak sembadhani gegayóhmu … telûng sasi manèh kelakon penjalókmu …

Dhurûng nganti telûng sasi pak Kromo wîs bali karó tetangisan

" Hóa …. hóa …. hóa ….

" Ono opo, ono opo …. Penjalókmu rak wîs keturutan, to ?

" Keturutan pripón, wong kulo malah kisût lan péyot kadhos tiyang tuwèk niki pripûn

" Lhó jaré pengîn dhuwé bójó sîng 30 tahûn luwîh enom

" Lha enggîh … nîng pundhi ? Mboten daup2 malah kulo dhadhos mlenyok tûr mpûn ‘mejen’ niki pripûn ?

" mbok Kromo umuré piro ?

" 50

" Supoyo bójómu kacèké dhadhi 30 tahón, umórmu kudhu dhadhi piro ?

"

" 80 …. Lhó … ? … hóa …. hóa …. hóa ….

Tutuge

Ngatijo Suwolo

Ngatijo sówan Ki Gdé Dadûng Ireng

" Ono opo Jo, ono opo ?
" Kulo sakniki empûn gadah anak kaléh, éstri sedhoyo
" Kepîngîn dhuwé anak lanang, po ?
" Kanggé kulo, laré jaler nopo éstri mboten dhadhos menopo.
" Lhó, lha opo ?
" Anak2 kulo sedhoyo mèmper mbokné, nyai Tomblok
" Lha iyo, to. Kacang óra ninggal lanjaran. Kalebu wujût fisik.
" Nîng sémah kulo wujuté kadhos memedhi sawah ngoten niku, jé.
" Hus, karó bójóné kok koyo ngono, to ?

" Lha pripun, kepînginé nèk dhuwé anak maléh, nopo bagûs nopo ayu, ngoten
" Kówé dhuwé momongan rak wîs pinaringan nugroho. Óra sah rèwèl !
" Nggîh empón, nèk mboten kerso nulungi, kulo tak rabi malîh mawon.
" Hèh, sóntólóyó kówé !
" Lha pripûn ?

" Yo wés, opo penjalukmu ?
" Lha, rak ngoten. Amét2 jabang bayi, kulo suwûn anak kulo mangké ampûn nganti mèmper mbokné, nyai Tomblok
" Kówé isîh wani topobroto menyang Setro Gondhomolo ?
" Wantun. Katimbangané gadah laré kadhos nyai Tomblok aluwûng ngadepi dedemît Gondhomolo
" Yoh, mangkato kono.

Dhurûng nganti setahûn Ngatijo sówan manèh. Pólatané sungkowo

" Ono opo Jo, ono opo ?
" Ketingalipûn kulo kesambet sambékolo Gondhomolo malih
" Piyé, to ?
" Anak kulo ragîl empûn lahir ……
" Bagûs opo ayu ?
" Bagûs sanget nîng …….
" Opo menèh ?
" Kok prèjènganipûn persis, pleg kusiré nyai Tomblok ?

Tutuge

Kenongo Monðroguno

" Ono opo, ono opo mbok rondo Rebi
" Kulo niki tiyang saweg nandhang susah
" Opo sebabé
" Anak kulo tunggal, si Ponikem dhèrèng pajeng. Mongko empûn 30
" Ojo kuwatir mbok Rebi, jaman saiki umûr rabi mundhur. Ponikem mbût gawé, to ?
" Enggéh. Dhadhos kasîr tokoné babah Énthong
" Lha mulakno kuwi
" Jenengé biyûng niku nggîh prihatin. Mangké nèk dhadhos prawan tuwo, pripûn ? Wong Ponikem niku nggîh mboten ayu. Mboten kadhos mbokné. Tûr malîh, nèk rabi telat, mangkè angèl dhuwé momongan. Nèk ketuwan kesuburan wanito niku tansoyo awon. Mongko Ponikem niku anak kulo siji2né sîng saget neruské awuné mbah buyót.

" Wo, ngono to. Yo wîs, anakmu kongkonen menyang Setro Gondhomolo
" mBénjîng nopo ?
" Malem Jemuah Kliwon, sasi ngarep, jam rolas bengi, nggowo ingkûng lan sego wudhók. Sadhurûngé, poso mutîh disîk, 40 dhino.
" Teng riko padhos nopo ?
" Golèk kembang Kéncono Kasetran Gondhomolo

" Njûk dhinapakké ?
" Dhiwènèhké priyo sîng dhidemeni anakmu
" Ngèstokakaken dawóh, Ki Gdé. Matûr nuwun
" Ati2 mbok Rebi. Kasetran Gondhomolo iku wingît banget. Ojo sembrono
" Nyuwûn pangéstu Ki Gdé.

Watoro limang sasinan, Ponikem teko karó geró2

" Ki Gdééééééééééééééé …………. !
" Ono opo Ponikem, ono opo. Sîng sarèh yo ndók.
" Dèk embèn dawûh nopo kalîh simbok, hayo !
" mBokmu prihatîn kówé kok óra rabi2
" Wah, simbok niku senengané ngoten niku ! Ngrusuhi kulo !
" Lha karang biyûng, jé. Kuwi rak sakîng trésnané, to ? Ojo dhisenèni mbokmu, yo.
" Kulo mboten butûh dhitulungi ! Ajengo kulo mboten ayu kadhos simbok, nèk padhos éncon kulo tesîh saget. Kulo mpûn gadah yang, kok.

" Sopo ?
" Kang Tarmidhi, sopiripûn babah Énthong. Riko nggîh demen kalîh kulo
" Yo wîs nèk ngono. Syukûr yèn wîs dhuwé éncon.
" Nîng simbok ngoyak-oyak kulo kèn teng ngGondhomolo. Kulo mboten purón. Nganggé poso barang. Wegah kulo. Nggé nopo ?
" Nèk ngono yo uwés.
" Nîng simbok adhreng. Malah mlampah piyambak teng ngGondhomolo, bar poso 40 dhinten. Rékané rak nglabuhi kulo. Simbok niku trésno kalîh kulo. Sok marahi kulo trenyóh. , …… uhuk,…. uhuk, …..

Ponikem nangîs sesenggrukan. Trenyûh mgrasakké lelabuhé biyungé.
" Éntûk gawé ?
" Angsal kembang Kenongo
" Dhiwènèhké sopo ?
" Kang Tarmidhi
" Harak wîs pener ? Njûk piyé ?
" Wingi onten lamaran sekîng kulowargané kang Tarmidhi, …… uhuk,…. uhuk, …..
" Lha, wîs bèrès to ?
" Bèrès pripûn ! …… uhuk,…. uhuk, ….. uhuuuuuuuu
" Lhó dhilamar kok malah nangîs ?
" Sîng dhilamar simbok …… uhuk,…. uhuk, ….. uhuuuuuuuu

" Cup, cup, cup …… ndók. Ojo nangîs mundak keronto-ronto penggalihku
" Hóaaa ….. hóaaa ….. hóaaa ….. hóaaa …..
" Lhó, kok malah tansoyo ndhodhro ?
" Simbok empûn meteng … hóaaa ….. hóaaa ….. hóaaa …..

" Wîs ndóóóók, iklasno, …… iki wîs suratanîng panguripan. Cuuuup …..
" Hóaaa ….. hóaaa ….. hóaaa ….. hóaaa …..
" Ojo malah njemplîng2, ndók
" Kulo nggîh meteng … hóaaa ….. hóaaa ….. hóaaa …..

Tutuge

Tómat mungsûh Timûn

" Ono opo Yem, ono opo ?
" Kulo tandhur tomat nîng wohé kok mboten saget abrit, nggîh ?
" Durûng mateng ?
" Empón, jé ?
" Nèk ngono kówé kudhu nandhangi topo broto sewengi menyang Gondhomolo
" Nggéh, kulo lampahi

Sawisé sauntoro dhino

" Piyé, nompo (bakmi) wangsît óra ?
" Enggih, nèk pûn mèh panèn, kèn mlampah2 teng kebon wayah wengi, wudho.
" Yoh, lakonono
" Wudho ?
" Hóh, mlaku2 îng kebon wudho
" Ah, nalaré pripûn ?
" Lhó, tomat iku yo podo menungso. Nèk werûh wong wadhon wudho njûk isîn.
" Nèk isîn njûk pripûn ?
" Rainé rak njûk abang, to ?
" Wo, enggéh, nggéh. Kulo cóbiné ?

Sawisé wayah panèn, si Yem moro manèh

" Piyé ?
" Enggîh, tomat kulo sakniki abrit2 saé, Ki Gdé
" Tenan, to ?
" Nîng anu, Ki Gdé. Timuné nggîh nganu ……
" Mèlu2 abang ? Mokal, ah
" Mboten dhadhos abrît ……
" Lha piyé
" Mlembûng, dhadhos ageng2

Tutuge

Tîrto Suci Gondhomolo

"Wé, iki ono dayoh papat dampyak2 podo ngabyantoro, iki sopo kok prèjèngané mèmper2 ? Sak sedhulûr, to ?"

"Enggîh, kulo pembayûn, niki rayi èstri kalîh lan niko si ragîl bagûs”

"Sîng mbarep disîk kéné maturo, ndûk cah ayu. Ono opo, ono opo ?"
"Kulo rumaos empûn mboten suci, Ki Gdé"
"Sebabé ?"
"Pas kulo suk2an teng bis, tangan kulo nyînggol tiyang jaler sarungan”
"Yo lumrah, to ? "
"Mboten namûng ngoten, jé”
"Lha piyé ?"

"Tangan kulo kîngîng tiyang jaler niko”
"Óra popo wong óra sengojo”
"Tiyangé ndhilalah sarungé mlotrok tûr mboten kolóran”
"Mlotrok ?"
"Enggîh, nganti kedhemok tangan kulo”
"Yo ra popo. Nèk pancèn óra sengojo, óra perlu kuwatir”
"Nîng kulo mboten tentrem. Nèk dhalu klisikan mboten saget tilem. Rumaos mboten suci”

"Yo wîs, kówé menyango pasaréyan Gondhomolo”
"Nindhakké nopo ? "
"Golèkono blumbang, tanganmu WISÛH tîrto Suci Gondhomolo”
"Wóo, ngoten to ? "
"Hè ‘èh. Sawisé wisûh, kówé bakal lego; rumongso suci, pulîh koyo biyèn”
"Nggîh, kulo lampahi”

"Saiki adiné sîng nomer 2. Nèk kówé keno opo, ndûk cah manis?"
"Mèmper kaliyan mbakyu pembayûn, kulo mboten tentrem sebab rumaos mboten suci”
"Wo, kówé yo ndhemok, po ?"
"Enggîh nîng sîng ndhemok saliyané tangan onten malîh”
"Opo manèh sîng kedhemok ? Sikût ?"
"Sanès niku, nîng empûn mboten perlu dhijlèntrèhké”

"Lhó, kok Nyolowadhi ? "
"Pokoké kulo pûn ngertos carané ngusadhani"
"Piyé ?"
"Wisûh lan KEMU tîrto Gondhomolo"
"Wé, lhaaaaaaaaaaaa ……. haiyaaaaaaaa ….”

"Lha nèk kówé ndûk nomer telu, kówé keno opo ? Mèmper mbakyu2mu ?"
"Enggîh, kulo nggîh mboten tentrem, sebab rumaos mboten suci”
"Yoh, kówé wisûh lan kemu. Mangkato bareng mbakyu2mu”
"Wah, mboten cekap"
"Lhó, lha piyé ?"
"Kedhah wisûh, kemu, lan CAWÎK tîrto Gondhomolo”
"Wé lha dhalah ………. wah, wah, wah …… "

"Réné ragîl bagûs, kówé yo ngalami koyo mbakyu2mu, po ? "
"Enggîh, mèmper nîng mboten persis sami”
"Kówé cah lanang yo rumongso óra suci ?"
"Enggîh, kulo nggîh mboten tentrem, sebab rumaos mboten suci”
"Yoh, kówé wisûh, kemu, lan cawîk tîrto Gondhomolo. Mangkato bareng mbakyu2mu”

"Wah, kadhosé mboten cekap"
"Lhó, piyé to ? kówé cah lanang kok kemayu, to ? Mbok sîng bregas, ngono”
"Lha mulakno niku. Kulo béncong, jé !"
"Jagat Dhéwo Bhathoro …… wèlèh, …… wèlèh, …… wèlèh,"
"Njûk pripûn niki ?"
"Kówé kudhu wisûh, kemu, cawîk njûk …….. @#$%& !"


Tutuge

Kembang Telon Gondhomolo

"Wééé, iki ono ibu2 Dharmowadhon rawûh cacahé pirang2 ……"
"Sanès Dharmowadhon Kiai, niki ibu2 sakîng Dharmawanita”
"Dharmawanita iku bahasa Indonesia, nèk boso Jowo – Dharmowadhon. Ngunu”
"Nèk Gedung Wanita ?"
"Loji Wadhon`"

"Nggîh, sakersané lé ngarani. Ibu2 niki saweg sami kuwatos"
"Kuwatir opo ?"
"Kuwatir ndak bójó2né dhisamber cewek matre”
"Nèk ngono bójó2né dhicencang ono ngómah mundak glayaran tekan endhi2”

"Ah, Ki Gdé ki senengané sembranan. Ibu2 niki empûn ngagem Sari Rapet Medhuro”
"Lha géné uwîs ?"
"Kirang mantep, jé. Nopo kagungan sîng langkûng majas ? "
"Ono. Sari Rapet Gondhomolo. Kari njukûk seko pasaréan Gondhomolo”
"Majasé pripûn ?"
"Dhadhi koyo prawan sunthi menèh. Sîng mauné gedé mengkeret dhadhi cilîk. Sîng lobok dhadhi sesak”

"Enggîh, nopo ?"
"Cóbanen baé. Mûng tak wanti2, yo. Ojo sembrono. Iki perkoro wingît. Ati2"
"Nggéh"
"Ojo mûng nggah nggîh. Dhigatèkké welîngku. Kasetran Gondhomolo iku ndrawasi !"
"Pokoké ampûn ngantos kekathahen …… mindak buntet, to ?"
"Hè èh”

Sawisé sauntoro wektu, ibu2 Dharmowadhon teko manèh.
"Wah, sari rapet Gondhomolo majas sanget, kiai”
"Tenan to ?"
"Enggîh, ibu2 bingah sedhoyo. Nopo malîh bapakné. Njûk pesta pûra"
"Lha sokûr nèk ngono. Aku mèlu bungah”
"Nîng criosé, ibu2 kesel wira wiri mendeti sari Gondhomolo. Tebîh, jé”
"Lha kari dawûh sopir kantor, to "

"Wé, niki wewadhi, jé. Kepekso dhitandhangi piyambak. Murîh praktisé, mendet kathah”
"Lha, kuwi praktis"
"Enggîh, njûk dhiwadahi genthong”
"Wîs beres, to ? "
"Nîng, si Gemblong, Temu lan Omon niku cah2 tróndóló tenan, kok. Jiaaaan”
"Gemblong ? Wadûh ! Angger ono Gemblong mesthi marahi bubrah. Bilahi !"
"Enggîh, genthongé dhibeto Gemblong. Dhigotong kalîh Temu lan Omon"
"Wé lha ……. Dhibuwak ?"

"Mboten, dhidûm njûk dhimimik kanca2né bal-balan. Sîng nonton sak kampûng nggîh tumût mimik”

"Wé lha dhalah ……”
"Sakniki laré2 jaler sak kampûng njemplîng2 sedhoyo "
"Jagad Dhéwo Bhathoro …….”
"Perkakasé dhadhos sak bitîng2 …… tûr buntet !"

Tutuge